" />

Mirsevini ne Portalin Informativ te Futbollit

Click here to edit subtitle

TOP 100

 

Barca dhe United ndajnë vendin e parë

Barcelona e ka përfunduar sezonin 2008/2009 si skuadra më e mirë në botë sipas rangimeve të fundit të publikuara nga Federata Ndërkombëtare e Historisë dhe Statistikave të Futbollit- IFFHS (International Federation of Football History & Statistics).

Megjithatë fitimi i të gjitha trofeve të mundshme nuk mjaftoi që Blaugranët ta sigurojnë pastër pozitën e parë, sepse pozita e parë në rangimet e reja të IFFHS ndahet ndërmjet dy finalistëve të Ligës së Kampionëve, Barcelonës dhe Manchester Unitedit.

Përkundër suksesit të Barcelonës futbolli spanjoll është shqetësues, pasi që pas Barcelonës vetëm në vendin e 24 renditet një skuadër spanjolle (Atletico Madridi), derisa Real Madridi është zhvendosur në pozitën e 39-të.

Situatë shqetësuese është edhe për ekipet e Serie A, pasi që asnjë skuadër nuk bën pjesë në top-dhjetëshin. Juventusi është pozicionuar në vendin e 12-të gjashtë pozita më lartë se Interi, ndërsa Milani është në pozitën e 36-të, gjashtë pozita më poshtë se Roma.

Ndërsa jo-befasisht skuadrat nga Liga Premier dominojnë vendet e para, ku Chelsea, Liverpooli dhe Arsenali mbyllin top-pesëshin.

Dhjetë skuadrat më të mira sipas IFFHS (në kllapa janë shënuar pozitat e mëparshme):

1. (2.) Barcelona (Spanjë) – 315 pikë
- (1.) Manchester United (Angli) – 315 pikë
3. (3.) Chelsea (Angli) – 276 pikë
4. (6.) Liverpool (Angli) – 248 pikë
5. (5.) Arsenal (Angli) – 247 pikë
6. (10.) Shakhtar Donetsk (Ukrainë) – 245.5 pikë
7. (7.) Dynamo Kiev (Ukrainë) – 234.5 pikë
8. (11.) Estudiantes (Argientinë) – 232 pikë
9. (8.) Hamburger SV (Gjermani) – 228 pikë
10. (16.) Gremio (Brazil) – 222 pikë

Postuar: 9:31 / 4 Qershor '09 |
 
Fituesit e Ligës së Kampionëve. Foto: PA

TOP 20

Spanja vazhdon kryesimin sipas FIFA-s

Spanja vazhdon të kryesojë rangimet për përfaqësueset më të mira në futboll, derisa skuadrat e renditura nën të, kanë nderuar pozitat kohë pas kohe me kalimin e muajve.

Spanja fitoi Kampionatin Evropian të vitit të kaluar (Euro 2008), ndërsa është shumë pranë kualifikimit në Kampionatin e ardhshëm Botëror (Afrika e Jugut 2010) pasi ende nuk është mposhtur në fazën grupore.

Italia është ngritur në pozitën e katërt, ndërsa Gjermania është zhvendosur në vendin e tretë, derisa të dytin e ka zënë Holanda. Ndërkohë, Anglia dhe Argjentina kanë ndërruar pozitat.

Shqipëria ka mbajtur pozitën e 92-të sikur muajin e kaluar duke mos lëvizur as lartë e as poshtë.

Lista e 20 skuadrave të para sipas ranglistës së FIFA-s dhe pozicioni i Shqipërisë (në kllapa është shënuar pozita e tyre në muajin e kaluar):

1. (1) Spanja
2. (3) Holanda
3. (2) Gjermania
4. (5) Italia
5. (4) Brazili
6. (7) Anglia
7. (6) Argjentina
8. (8) Kroacia
9. (9) Rusia
10. (10) Franca
11. (11) Portugalia
12. (14) Turqia
13. (17) Paraguai
14. (15) SHBA
15. (12) Republika Çeke
16. (18) Zvicra
17. (16) Uruguai
18. (13) Greqia
19. (22) Ukraina
20. (23) Serbia
...
92. (92) Shqipëria

Postuar: 23:31 / 3 Qershor '09 |

 
Lojtarët e Spanjës. Foto: Marca

Top 10 rikthimet më sensacionale

Shumë njerëz shtrojnë vetes, miqve dhe ekspertëve pyetjen se pse vallë futbolli është sporti më i popullarizuar në botë? Përgjigjen do t’ua japim ne dhe artikulli i mëposhtëm, ku shfaqet si e tërë në një arsye të vetme përgjigja e faktit se pse futbolli është sporti më i popullarizuar në botë.

Historia e futbollit, aq e gjatë sa është, numëron aq sensacione dhe çudi të ndodhura. Rikthimet e rezultateve tashmë me kalimin e kohës ishin bërë të zakonta, por cilat ishin dhjetë rikthimet më sensacionale që njeh historia e futbollit?

10. Jugosllavia 5-5 BRSS (BRSS në ndjekje pranë rezultatit 5-1) – 1952

Gjeneratat e vjetra ende mbajnë mend këtë ndeshje, e cila ka hyrë në anale. 15 minuta pa përfunduar takimi Jugosllavi – Serbi, i vlefshëm për Lojërat Olimpikë të vitit 1952, Jugosllavia ishte duke avansuar me rezultat 5-1 dhe mendoi se e kishte siguruar fitoren në këtë takim.

Kështu nuk mendoi Vsevolod Brobov, që realizoi hettrik për të barazuar rezultatin. Vsevolod Brobov është sportisti i vetëm në histori të sportit që ka arritur të jetë kapiten i një kombëtareje në dy sporte të ndryshme. Ai ishte dhe lojtar i hokeit mbi akull, por kishte fat, kur për shkak të ‘dashurisë’ së tij për gjumin, vonohet në nisjen e aeroplanit të ekipit rus të hokeit mbi akull, i cili u rrëzua dhe la të vdekur të gjithë në vend. Fat i madh ky, apo jo?

9. Werder Bremen 5-3 Anderlecht (Werderi në ndjekje pranë rezultatit 3-0 pas pjesës së parë) – 1993.

Çfarë kanë të përbashkëta Otto Rehagel dhe mrekullitë? Pyetje jo me vend kjo, pasi që atëkohë Rehagel ishte në krye të Werderit dhe arriti një rezultat mjaft fascinues.

Një ndeshje rutinore e Ligës së Kampionëve në fazën grupore e shihte Werderin në disavantazh pas pjesës së parë prej 3-0 ndaj Anderlechtit. Sidoqoftë, në pjesën e dytë për 17 minuta gjermanët u rikthyen shpejtë në skenë për t’i turpëruar belgët.


8. Koreja e Veriut 3-5 Portugalia (Portugalia në ndjekje pranë rezultatit 3-0) – 1996.

Kjo definitivisht ishte ndeshja e jetërave për portugezët. Edhe sot konsiderohet si një prej ndeshjeve më sensacionale të të gjitha kohërave.

Koreja e Veriut do të duhej të ishte befasia e Kampionatit Botëror që po zhvillohej në Angli, por këtë nuk e lejoi Eusebio, që pas tre golave të shënuar të aziatikëve, ua tregoi atyre vendin me katër gola të tij, para se bashkëlojtarët tjerë shënuan dhe golin e pestë dhe të fitores.

7. Gjermania Perëndimore 3-2 Anglia (Gjermania në ndjekje pranë rezultatit 2-0) – 1970

Ka shumë njerëz në Angli që do t’iu thonë se ekipi i Tre Luanëve i vitit 1970, ishte më i mirë se ekipi që fitoi Kampionatin Botëror në vitin 1966.

Anglia kishte dy gola epërsi vetëm 20 minuta pa përfunduar takimi. Ishte Franz Beckenbauer ai që realizoi golin e parë, me trajnerin e Anglisë që e largoi Bobby Charltonin pak më pas nga loja, duke menduar se ndeshja kishte përfunduar. Kështu nuk mendoi Uwe Seeler që realizoi për 2-2, para se Gerd Muller në vazhdime të realizonte për fitoren e madhe të Gjermanisë Perëndimore.

Që nga ajo kohë Anglia nuk di për trofe nëpër Kampionate Botërore, përderisa Gjermania nuk është ndalur së fituari dekadat në vijim, 1974, 1990 dhe finalet në vitet 1982, 1986 dhe 2002.

6. Charlton 7-6 Huddersfield (Charlton në ndjekje pranë rezultatit 5-1) – 1957.

Sigurisht rikthimi më sensacional në historinë e futbollit anglez ndodhi në dhjetorin e vitit 1957, kur Huddersfieldi i Bill Shanklyt hodhi përtokë një epërsi prej 5-1, vetëm 30 minuta pa përfunduar takimi dhe gjithë kjo ndaj një ekipi me një lojtar më pak.

Pranë rezultait 5-1, Charltoni rastësisht filloi të luante futboll, me Johnny Summersin e inspiruar. Në moshën 30 vjeçare, me një palë këpucësh të reja në të cilat ende nuk ishte përshtatur mirë, majtaku natyral realizoi hettrik brenda gjashtë minutave, për të shënuar më pas edhe dy gola të tjerë, të gjitha me këmbën e tij të dobët, të djathtën.

Rezultati në këtë moment ishte 6-5 për Charltonin, por Huddersfieldi barazoi dy minuta pa përfunduar takimi. Megjithatë, kishte mjaft kohë për legjendarin Summers që në shpejtësi hyri në zonë, për të asistuar për të posa inkuadruarin Johnny Ryan, i cili i dha fundin një ndeshjeje të paharruar.

5. Milan 3-3 Liverpool (Liverpooli në ndjekje pranë rezultatit 3-0 pas pjesës së parë) – 2005.

Rafael Benitez mund të jetë larguar me shije të hidhur nga Anfieldi, por edhe kritikët e tij më të mëdhenj duhet të pranojnë se Stambolli 2005 ishte arritje epike. Milani kaloi në epërsi pas vetëm 60 sekonda lojë, për të shënuar edhe dy gola tjerë deri në fund të pjesës së parë, duke detyruar disa tifozë të Liverpoolit të largohen nga stadiumi Ataturk.

Pas pjesës së pare, Benitez mendoi të fuste në fushë 12 lojtarë, para se Jamie Carragher t’ia tregonte gabimin. Liverpoolit iu deshën vetëm gjashtë minuta lojë për të barazuar rezultatin dhe për të fituar pas penaltive. Shumë keq për ata tifozë të cilët u larguan nga stadiumi për ta parë këtë sfidë historike.

4. Franca 4-5 Jugosllavia (Jugosllavia në ndjekje pranë rezultatit 4-1 – 1960.

Shpresat franceze për një debutim me fitore në shtëpi në kamnpionatin e parë evropian, u shuan nga një rikthim dramatik jugosllav në Paris.

Franca kishte epërsinë prej 4-2 vetëm 15 minuta pa përfunduar takimi. Stadiumi Parc des Princes ishte i gatshëm për të duartrokitur heronjt, para se mbrojtja e dobët franceze lejoi Tomislav Knezin dhe Drazen Jerkovicin që realizoi dy gola për dy minuta, ta kalojnë në epërsi Jugosllavinë.

E pabesueshme, tre golat e Jugosllavisë erdhën për vetëm katër minuta. Franca ishte eliminuar dhe është dashur të pret edhe 24 vite para se e fitoi dhe kampionatin e parë të rëndësishëm, që u fitua në shtëpi me një revansh prej 3-2 në finale, pikërisht ndaj Jugosllavisë.

3. Bayern Munich 1-2 Manchester United (United në ndjekje pranë rezultatit 1-0) – 1999.

Vetë emri i Manchester United shkon paralel me rikthimet, sidomos në epokën e artë të Sir Alex Ferguson. Rruga e United drejt titullit të parë në Ligën e Kampionëve pas 31 vitesh u përshkrua nga një rikthim tjetër sensacional në gjysmëfinale ndaj Juventusit prej 3-2, nga rezultati 2-0 sa ishte për Juventusin.

Përballë Bayernit në finale, Djajtë e Kuq ishin shkelur nga bavarezët dhe patën pak fat pse nuk pësuan më shumë gola, pasi që Bayerni qëlloi dy herë shtyllën. Më pas komentatori anglez, Clive Tyldesley pyeti shikuesit: “A mund të shënojë Manchester United? Ata gjithmonë shënojnë”.

United u përgjigj në kohën shtesë për rreth vetëm 75 sekonda, me golat e Teddy Sheringham dhe Ole Gunnar Solskjaer, të cilët vulosën një fitore të jashtëzakonshme.

2. Inter 3-2 Sampdoria (Interi në ndjekje pranë rezultatit 2-0) – 2005.

Atëkohë Interi nuk ishte ekipi i parë në Itali, kur Sampdoria vizitoi San Siron në fillim të vitit 2005. Me Adrianon dhe Christian Vierin në sulmin Nerazzur, Sampdoria ishte viktimë e një masakre në çastet përfundimtare.

Sampdoria kaloi në epërsi pak para fundit të pjesës së parë. Në pjesën e dytë, ndeshja po hynte në dhjetë minutat e fundit, ku dhe një barazim është dukur real, para se mysafirët të shënojnë dhe golin e dytë. Tifozët e Interit u larguan dhe stadiumi po zbrazej, por drama vetëm sa kishte filluar.

I inspiruar pas hyrjes në lojë të Alvaro Recobas, i cili momente më herët qëlloi shtyllën, Interi zvogëloi epërsinë me anë të Obafemi Martins, me asistimin e uruguajanit Recoba. Në kohën shtesë, Vieri barazoi në 2-2 dhe ishte Recoba ai që me një goditje fantastike me të majtën e tij realizoi golin e fitores së paharruar.

“Incredibile, Incredibile”, brohoriti komentatori i ndeshjes pas golit të vonshëm të Recobas. Mësimi – kurrë mos u largoni herët nga stadiumi.

1. Hungaria 2 – 3 Gjermania Perëndimore (Gjermania në ndjekje pranë rezultatit 2-0).

Një fakt shpeshherë i harruar është se Gjermania e fitoi Botërorin e parë nëntë vite para se të ishte themeluar Bundesliga. Që ekipi gjerman i amaterëve mundi hungarezët, superyje të asaj kohe, ishte një arritje e madhe, marrë parasysh se Hungaria mposhti 8-3 Gjermaninë më herët gjatë atij kampionati.

32 ndeshje pa humbje nëpër Kampionate Botërore ishte bilanci i artë i Hungarisë, para se të dyja ekipet të ishin takuar në Bern. Përkundër faktit se nuk ishte plotësisht në formë, Ferenc Puskas ia dha epërsinë Hungarisë në minutën e gjashtë, para se Zoltan Czibor ta dyfishojë epërsinë dy minuta më vonë.

Gjermania Perëndimore nuk u dorëzua dhe u kthye me anë të Max Morlock. Pas pjesës së parë, rezultati ishte i barazuar me anë të Helmut Rahn, para se të fillonte shiu i rrëmbyer. Falë shiut dhe përgatitjeve të skuadrës gjermane që luajti me topa të gjatë, ishte përsëri Helmut Rahn ai që realizoi golin e fitores vetëm gjashtë minuta para fundit të takimit. Tor! Tor! Tor! Tor! Brohoriti komentatori gjerman në atë që edhe sot njihet si “Mrekullia e Bernit”.

Top 10 Lojtaret me te urreyer ne Angli

 

 

 

 

 

 

 

 

 

 

 

Chat online